25 de xullo, día da Galiza

O 25 de xullo a Xuventude Comunista súmase á celebración do día de Galiza, reivindicando a identidade propia da nosa nación e os dereitos que como tal nos corresponden. Hoxe é un día para recordar o valor do noso pobo na loita por unha vida digna da clase obreira e as capas populares galegas, dos estaleiros de Ferrol ás loitas campesiñas espalladas por todo o país; a loita pola nosa lingua e o dereito a empregala sen limitación algunha; a loita polos valores e a cultura das traballadoras galegas e as capas populares; pola superación do peor do pasado de Galiza, como o parasitismo caciquil e institucional contra o que o pobo galego nunca deixou de loitar… 

Ler máis...

A Conferencia de Obreiras da Xuventude Comunista saúda os pasos que se veñen dando nos últimos tempos e que culminarán nas vindeiras semanas coa creación da Plataforma pola Defensa do Sector Lácteo.

Unha plataforma que buscará acadar a unidade nas loitas do sector lácteo e que pretenderá por freo ao desmantelamento do sector, así como rematar coa política de exterminio das explotacións lácteas, onde preto de 8.000 van encamiñadas ao peche.

Ler máis...

Nos últimos días vimos asistindo ó último episodio de chantaxe e das presións contra os pobos de Europa por parte da Unión Europea, concretamente contra o pobo de Grecia.

As diferentes roldas de negociación que se sucederon confirman que a chamada “Europa social e solidaria” é pouco máis que papel mollado fronte ós intereses dos grandes monopolios e oligarquías nacionais, cuxo obxectivo non é en ningún caso ofrecer solucións ás e ós traballadores senón incrementar a súa taxa de ganancia a través da acumulación por desposesión, a rapiña constante e o acaparamento de mercados, sendo crucial para este obxectivo o papel da moeda única, o instrumento da débeda e os mecanismos de coerción da Unión Europea.

Ler máis...

A Conferencia de Obreiras da Xuventude Comunista amosa o seu apoio internacionalista ao pobo traballador grego e ás súas Organizacións de clase, tanto ao Partido Comunista (KKE) como á Fronte Militante de Todas as Traballadoras (PAME).

Salientamos o grande traballo destas dúas Organizacións na elevación da conciencia de clase do pobo grego, opoñéndose ás políticas de recortes e ás medidas antipopulares xa veñan da man da Troika ou do Goberno.

Ler máis...

Dende a Xuventude Comunista apoiamos e invitamos ao conxunto da clase traballadora a apoiar, difundir e participar na marcha que o víndeiro mércores 1 de xullo ás 11,30h os/as compañeiros/as de Alcoa e Perfialsa realizarán dende o Monte do Gozo ata as Consellerías da Xunta de Galiza en Santiago de Compostela, para esixir ao goberno e á Xunta unha solución aos conflitos das súas empresas. Os e as compañeiras de Alcoa están a loitar por salvar a pranta que a multinacional ten na cidade de A Coruña e que corre o risco, de novo, de ser pechada e trasladada a un tercer país se a patroal de Alcoa non acada a vantaxa eléctrica que considerá oportuna para o mantemento das súas ganacias e unha alta rendabilidade económica da pranta.

Ler máis...