Ante a petición do FMI de reformas ao Goberno de España que profunden o Plan de Axuste, a Xuventude Comunista mostra o seu total rexeitamento a esta inxerencia externa que pretende menoscabar a soberanía política e económica en España.

A Xuventude Comunistas mira con preocupación as medidas propostas polo FMI (Fondo Monetario Internacional) consistentes en abaratar o despedimento dos traballadores con contratos indefinidos, continuar coas privatizacións das caixas de aforro e aumentar a cantidade de contratos de carácter temporal. "O FMI ten moito que calar, posto que foron as políticas que propugnaba as que nos levaron á actual situación de crise; agora xunto á Unión Europea aconsellan ao goberno atacar directamente aos traballadores e hipotecar o futuro da mocidade española" afirma José León, Secretario Xeral da Xuventude Comunista.

Para a Xuventude Comunista, o Goberno de España aceptou mediante a chantaxe da UE e os mercados unha perdida de soberanía, esta materialízase na política de recortes sociais e de facer pagar aos máis débiles os erros que só propiciou a acumulación de grandes riquezas e o aumento das diferenzas entre pobres e ricos.


Os mozos do Partido Comunista, en contraposición ás propostas emanadas polo FMI e a UE, defenden que para garantir á mocidade un futuro en condicións hai que erradicar o traballo temporal, posto que só trae precariedade e incerteza, dificulta enormemente a emancipación e ademais ten unha clara relación coa sinistralidade laboral. "A temporalidade laboral ten unha consecuencia sinistra nos accidentes de traballo, que sesgan cada ano a vida de contorna a mil traballadores, deixando feridos e a miúdo incapacitados a uns 10.000. A metade deles novos".


Por todo iso, fronte ás políticas neoliberais do FMI e a Unión Europea, a UJCE propón unha batería de medidas para garantir unhas condicións de vida dignas para a mocidade e a clase traballadora :

- Contra a precariedade, freo á temporalidade:

- Eliminación das ETT's

- Regulación exhaustiva da subcontratación.

- Supresión da contratación temporal.

- Aumento da inspección de traballo.

- Regularización do colectivo migrante.

- Contra o paro, repartición do traballo:

- Prohibición das horas extras.

- 35 horas por lei sen reducción salarial.

- Contra o mileurismo, repartición da riqueza:

- Eliminación das SICAV.

- Supresión dos billetes de 500 euros.

- Restitución do imposto sobre o Patrimonio.

- Conxelación e reducción dos impostos indirectos.

- Sistema fiscal progresivo.

- Salario Mínimo Interprofesional de 1200 euros.

- Contra a especulación, a vivenda como dereito:

- Expropiación das vivendas baleiras.

- Parque público de vivendas en aluguer con prezos inferiores aos do mercado.

- Contra a mercantilización da educación, a educación como dereito:

- Conxelación e eliminación prgresiva das tasas universitarias.

- Paralización do Proceso de Bolonia.

- Contra o modelo dos servizos e o ladrillo, por un novo modelo produtivo social e ecolóxicamente sostible:

- Creación dunha banca pública que democratice o crédito.

- Investimento produtivo.

- Desenvolvemento do tecido industrial.

- Fomento do cooperativismo e a economía social.

- Modelo de transporte sostible baseado no transporte público.

- Nacionalización dos principais sectores da economia: enerxía, transportes e comunicacións.