A Xuventude Comunista denuncia a política reaccionaria que está a levar a cabo o Goberno do PSOE  da que sae claramente beneficiada a patronal e que deixa nunha situación moi precaria á clase traballadora. O goberno favorécelles a eles e á oligarquía financieira á que representa con actuacións lamentables como a entrega de millóns de euros do erario público a empresas e grandes construtoras en concepto de contratas para infraestructuras. O chamado Plan E, sinónimo de subcontratación, contratos lixo e precariedade. O goberno financia ás empresas que fan negocio da precariedade, converténdose en cómplice da situación.

Segue aumentando a lacra do paro, superando os 4 millóns e medio, e o goberno aínda non elaborou un plan estratéxico para reducir esas cifras, encamiñado a mellorar as condicións laboráis a través da ampliación e mellora do sector público, garantindo o acceso de todas e todos ao traballo.

Fronte a esta grave situación, ¿qué solución nos dan? Abaratar o despedimento mediante unha reforma laboral que, lonxe de dar resposta, profunda no problema, perxudicando gravemente á clase traballadora.

A Xuventude Comunista aposta pola mellora das condicións de traballo mediante o fortalecemento do sector público e a xornada de 35 horas sen reducción salarial. É necesaria a construción dunha conciencia crítica da situación: a única alternativa a este roubo a man armada é a mobilización.

Hoxe máis que nunca debemos entender que non podemos expor alternativas desde unha posición de debilidade. Ante as tentativas do capital de desmantelar todos e cada un dos logros que a clase obreira alcanzou ao prezo do seu propio sangue, debemos opor nosa mellor arma: a Folga Xeral. É hora de pasar á ofensiva.

¡Polos dereitos da clase traballadora é en defensa do público¡

¡Maniféstate este primeiro de Maio!

¡Máis de 4 millóns de pasados, unha solución: LOITA!

Manifestación do Primeiro de Maio en Galiza:

■ A Coruña. Manifestación con saída da Praza da Palloza ás 12 horas. 

■ Ferrol. Manifestación con saída da Praza do Inferniño ás 12 horas .

■ Santiago de Compostela. Manifestación con saída da Praza de Cervantes ás 12 horas. Posteriormente, xantar de confraternización de CCOO.

■ Lugo. Manifestación con saída do Edificio de Sindicatos ás 12 horas. Posteriormente, xantar de confraternización de CCOO.

■ Viveiro. Manifestación con saída do Edificio de Sindicatos ás 12 horas. Posteriormente, xantar de confraternización de CCOO.

■ Ourense. Manifestación con saída do Pavillón dos Remedios ás 12:30 horas.

■ Pontevedra. Manifestación con saída da Praza da Ferreiría ás 12 horas.

■ Arousa. Manifestación con da Praza da Ravella 12 horas. Posteriormente, xantar de confraternización de CCOO.

■ Vigo (acto central de Galicia). Manifestación con saída do cruzamento da Vía Norte con Urzáiz ás 11:30.