O noso proxecto estratéxico, Esquerda Unida, afronta un proceso decisivo coa elección da candidatura á presidencia do goberno para as próximas eleccións xerais.
Neste proceso, o conxunto da militancia de EU debe ser capaz de valorar politicamente as necesidades máis apremiantes da organización, co fin de conseguir un único obxectivo: recuperar o apoio político e social para o proxecto.

Para acadar este obxectivo, EU necesita un cambio. Un cambio que nos sitúe unha vez máis na estratexia de construír unha alternativa ao neoliberalismo. Que sitúe de novo a EU como espazo de converxencia entre a esquerda política e social. Que posibilite abrir un novo proceso de converxencia política e social programática. Que saque o mellor da organización, da militancia, desde a unidade, a responsabilidade colectiva e a lealdade ao proxecto.

Todo isto vai máis aló dun cambio de caras ou da candidatura á presidencia do goberno. No entanto, esta elección ofrece unha oportunidade inmellorable para lanzar unha mensaxe ao conxunto da militancia, ao conxunto da sociedade, de que EU sabe situarse á altura dos retos que se nos expoñen.