Caixa de Ferramentas

Caja de Herramientas de la UJCE

Revista Axitación

Formacion

Afíliate!!
Tercera Información

banner apostasia

A XC e ADENCO celebran a Semana Europea da Mobilidade organizando a 1ª Masa Crítica en Ponteareas. PDF Imprimir
Mércores, 26 Setembro 2007 13:00

Lamentan os colectivos a falla de iniciativa do Concello de Ponteareas
A Xuventude Comunista de Ponteareas e ADENCO celebran a Semana Europea da Mobilidade organizando a 1ª Masa Crítica de Ponteareas

Entre o 17 e o 21 de Setembro, celébrase en toda Europa a Semana Europea da Mobilidade con diferentes iniciativas, todas baixo o lema de “Rúas para a xente”. O Grupo Ecoloxista Adenco e a Xuventude Comunista de Ponteareas decidiron organizar a 1ª Masa Crítica de Ponteareas encadrándoa nesta semana para o próximo venres 21 de Setembro, ás 20h na Praza da Igrexa de Ponteareas.

Unha masa crítica é unha concentración de usuarios da bicicleta, que se xuntan normalmente unha vez ao mes para reclamar un maior uso da bicicleta como elemento de transporte ideal para pequenas distancias, un medio de transporte san, ecolóxico, silencioso e barato.

“O transporte e a mobilidade son cuestións cada vez máis importantes na nosa sociedade e que esixen compromisos e vontade política para solucionalos, solución que non pasa por unha única área, se non que precisa dunha involucración total do goberno local”.

Os convocantes reclaman un Plan de Mobilidade real e sostible, ao tempo que consensuado cos diferentes sectores implicados, o fomento do uso da bici, instalando aparcamentos para as mesmas, a limitación do uso do automóbil dentro da vila e a ampliación das áreas para os peóns.

Falta de iniciativa e información do Concello
A pesar de informar ao Concello da celebración da Semana Europea da Mobilidade, o goberno local non ten previsto realizar ningunha actividade nen contestou ao escrito presentado. Así e doutro lado, o Plan de Mobilidade do Concello non se nos amosou aínda, a pesar de solicitalo por escrito, nen foi consensuado con colectivo algún.