A Xuventude Comunista con motivo do 8 de Marzo (Día Internacional da Muller Traballadora) realizará en Santiago de Compostela un acto consistente na proxección do filme "Las Mujeres de verdad tienen curvas" seguido por unha charla/coloquio na que participarán Pilar Seoane (Membro da Comisión Executiva Nacional de CC.OO.) e Marta Mosquera (Responsable da Área de Muller de Esquerda Unida en Santiago). O acto terá lugar o vindeiro xoves 11 de Marzo ás 17:30 h. no Salón de Grados da Facultade de Políticas.

 

 

 

 

A Xuventude Comunista proxectará este xoves 25 de Febreiro en Ferrol o documental "The Corporation" dirixido por Mark Achbar e Jennifer Abbot. No documental analízase como as corporacións pasaron a ser de pequenas empresas privadas sen maior importancia a unha presencia viva, dramática e persuasiva en todas as nosas vidas, do mesmo xeito que o foron a Igrexa ou a Monarquía noutros tempos. A proxección terá lugar no Ateneo Ferrolán ás 19:00 h. e irá seguida dun debate entre os asistentes.

 

 

 Esquerda Unida denuncia que o decreto contra o galego supón un ataque político sen precedentes sobre o noso idioma. Elaborado de costas a sociedade galega e a comunidade educativa, o Goberno da Xunta de Galicia aprobouno con premeditación e nocturnidade en plenas festas do Nadal para evitar a contestación da comunidade educativa. 



 EU considera que o “decretazo lingüístico” esnaquiza o consenso acadado durante toda a historia do autogoberno galego, levado acabo a través da Lei 3/1983 de Normalización Lingüística e mailo Plan Xeral de Normalización Lingüística aprobado en setembro de 2004, sendo Vicepresidente da Xunta o propio Feijóo.

 

 

     A Xuventude Comunista participa, xunto con Esquerda Unida e o Partido Comunista de Galicia, nun acto realizado en Ponteareas co motivo do día Internacional da Eliminación da Violencia Contra as Mulleres. 

     O acto foi presentado por unha camarada da Xuventude Comunista. En canto a poñencia, debido a problemas maiores, foi sustituído por Mari Luz Miset y Estela; ambas pertecentes ao Colectivo Violeta, á Marcha Mundial das Mulleres e á Esquerda Unida. Ademais Estela tamén é militante da Xuventude Comunista. 

     A temática abordaba os malos tratos ás mulleres tanto físicos como psicolóxicos dende a súa perspectiva máis coñecida pero tamén dende a súa visión máis amplia, onde se fixo unha análise sobre a responsabilidade dos medios na perpetuación deses valores nas xeracións máis novas.

Dobremente explotadas, dobremente revolucionarias!